Ish-bashkëshorti i Britney Spears, Jason Alexander, ka rënë sërish në telashe ligjore. Alexander, i cili ishte i martuar me ikonën e popit për një total prej 55 orësh në vitin 2004, u arrestua të mërkurën në Tennessee në lidhje me përndjekjen, raporton TMZ.
41-vjeçari u mbajt në burg dhe nuk ishte menjëherë e qartë nëse atij iu dha një shumë e kushtit apo data e gjyqit.
Është gjithashtu e paqartë se për kë u akuzua Alexander se ka përndjekur.
Në maj, u raportua nga tabloidet ndërkombëtare se ai u martua me një grua të quajtur, Rebecca Bell.
Dyshja morën një certifikatë martese përpara se të martoheshin zyrtarisht më 27 mars.
Ai vitin e kaluar tentoi t’ia prishte dasmën Britney dhe u fut në shtëpinë e saj pak orë para se të martohej me Sam Asgharin. Alexander pretendoi në mënyrë të rreme se ylli i popit e kishte ftuar atë në ceremoninë e saj përpara se të kapej nga sigurimi.
Fituesja e ‘Grammy’ ishte e tronditur në atë kohë kur kuptoi për incidentin.
Alexander u urdhërua të qëndronte të paktën 100 metra larg Spears për tre vjet.
Discussion about this post