Policia italiane ka arrestuar një shtetas shqiptar, 31 vjeç, me precedentë, i cili ishte në kërkim, pasi është dënuar për një numër krimesh, midis tyre shfrytëzim prostitucioni, vjedhje në apartament, mbajtje e paligjshme armësh.
Shqiptari duhet të kryejë 3 vjet e 6 muaj burg pasi është shpallur fajtor për akuzat e ngritura kundër tij.
Arrestimi është kryer në kuadrin e kontrolleve rutinë nga ana e policisë italiane. Shqiptari nuk ka vendbanim fiks në Itali dhe leje qëndrimi të rregullt.
Pas kontrollit të shenjave të gishtave, rezultoi se ai ishte në kërkim nga Prokuroria e Forlisë.
Tashmë 31-vjeçari gjendet në burgun e Pratos.
