Arrestohet shqiptari në Greqi, çfarë i gjetën autoritetet në banesë

Një 58-vjeçar shqiptar është vënë në pranga pasi është kapur me drogë.

Mediat greke shkruajnë se shqiptarit iu gjetën 3 kg 550 gram heroinë, 185 gram hashash çokollate, 1 peshore elektronike, 2500 euro, 2100 lek shqiptare dhe 5 celularë në shtëpinë e tij.

Kontrolli erdhi pas një operacioni që po zhvillohej në Kolono të Athinës, lagje ku banon dhe shqiptari.

Ende nuk është identifikuar shqiptari i vënë në pranga, por për momentin ndodhet para autoriteteve të Athinës. Ai akuzohet për trafik të lëndëve narkotike.