Një shqiptar është arrestuar nga policia greke, pasi ka qëlluar me armë ndaj shpërndarësit të picave. Sipas mediave greke, shkak i sulmit është bërë fakti që ky i fundit refuzoi t’i sillte kafen që kishte porositur.
Shqiptari kishte kryer një porosi online dhe kur shpërndarësi i erdhi tek banesa, ai i kërkoi që t’ia sillte porosinë lart. Shpërndarësi, po me origjinë shqiptare nuk pranoi dhe aty nisi debati mes tyre. Punonjësi u kthye në dyqanin ku punonte, ndërsa shqiptari e ndoqi së bashku me dy shokët e tij dhe kur arriti t’i afrohej e qëlloi.
