Hap i rëndësishëm në karrierë për sulmuesin shqiptar, Marvin Çuni, që pritet të firmosë ditën e hënë në kontratë 3-vjeçare me skuadrën e Frosinones që do të jetë në Serinë A këtë sezon.
Lajmi është konfirmuar edhe nga eksperti i merkatos Xhanluka Di Marcio.
Çuni është një produkt i akademisë së Bajernit të Mynihut, teksa bëhet me dije se bavarezët do të përfitojë 50 % të shumës, në rast se talenti shqiptar shitet në të ardhmen.
21-vjeçari në sezonin e fundit ishte pjesë e skuadrës gjermane të Sarbrucken, në Ligën e Tretë, ku shënoi 13 gola si dhe regjistroi 4 asiste në 35 paraqitje.
Marvin Çuni ka veshur fanellën e Kombëtares U-19 të Shqipërisë në 6 ndeshje, ku ka arritur të shënojë edhe 2 gola.
Vlera e kartonit të sulmuesit shqiptar, sipas “Transfermarkt” është 400 mijë euro.
Discussion about this post