Pas shtatë vitesh qëndrim te Chelsea, N’Golo Kante ka vendosur të largohet nga Londra.
Mesfushori francez karrierën do ta vazhdoj në Lindjen e Mesme, ku tanimë ka gjetur marrëveshjen me kampionin në fuqi Al-Ittihad.
32-vjeçari do të largohet nga Chelsea si futbollist i lirë, pasi kontrata me klubin londinez i ka skaduar dhe nuk u gjet gjuha e përbashkët për vazhdimin e saj.
Reprezentuesi francez ka nënshkruar një kontratë katër vjeçare me klubin arab, ku do të ketë një pagë prej 25 milionë euro neto në sezon ku do t’i bashkohet bashkëkombësit të tij Karim Benzema te Al-Ittihad.
Kante gjithashtu do t’i ketë edhe të drejtat e imazhit si dhe marrëveshjet komerciale shtesë ku të ardhurat shkojnë tek ai.
Negociatat mes palëve kishin filluar më 6 qershor dhe marrëveshja është arritur brenda 10 dite.
Kante në total ka zhvilluar 269 ndeshje zyrtare me Chelsean ku ka realizuar 13 gola dhe ka asistuar në 16 të tjerë.
Discussion about this post