Autoriteti Rrugor Shqiptar njoftoi ditën e enjte se nisur nga sot, aksi rrugor nga rrethi i Shkozës deri në Farkë, do të bllokohet për dy javë për shkak të punimeve në unazën lindore të Tiranës.
Autoriteti njofton se ka vendosur që kalimi i mjeteve në zonën Shkozë-Farkë do të devijohet në rrugën “Ali Shefqeti”, ndërsa trafiku i cili vjen nga drejtimi i Farkës në drejtim të Tiranës, do të devijohet në krahun tjetër të kalimit.
“Në sajë të vazhdimësisë së punimeve në Unazën Lindore, duke filluar që nesër datë 13.11.2021 është i nevojshëm bllokimi i kalimit nga rrethi i Shkozës në drejtim të Farkës për një afat prej 14 ditësh. Trafiku që vjen në këtë drejtim do të devijohet në drejtim të rrugës “Ali Shefqeti”. Gjithashtu, trafiku i cili vjen nga drejtimi i Farkës në drejtim të Tiranës, do të devijohet në krahun tjetër të kalimit, si në Planin e Menaxhimit të Trafikut”, shkruhet në njoftim.
ARRSH informon qytetarët se janë marrë masat për kufizimin e vendit ku do të kryhen punimet, si dhe për vendosjen e sinjalistikës së nevojshme për mos pengimin dhe mbarëvajtjen e qarkullimit.
Discussion about this post