6 kilogramë e 300 gramë lëndë narkotike kanabis, fishekë dhe pasje të tjera ushtarake janë sekuestruar ditën e sotme në Lezhë nga policor i koduar “Baza”. Policia bën me dije se, nga operacioni i zhvilluar u bë e mundur kapja e personave që posedonin këto lëndë të paligjshme. Konkretisht, ka rënë në pranga Sh. B., 66 vjeç, banues në lagjen “Nënë Tereza” Lezhë.
Mësohet se gjatë kontrollit të ushtruar në banesën e tij, shërbimet e Policisë gjetën dhe sekuestruan në cilësinë e provës materiale: 6 kilogramë e 300 gramë lëndë narkotike kanabis, 930 fishekë, 6 kallëpe lëndë eksplozive C-4, 7 granata difensive, 22 ndezës për granata, 99 kapsolla detonatore, pajisje metalkërkuese, kundërgaz ushtarak, 3 krehra dhe 3 aparate celulare. Gjithashtu, gjatë kontrollit të ushtruar nga Policia e Dibrës, në banesën tjetër të këtij shtetasi, në Lurë, është gjetur një armë zjarri pushkë gjysmëautomatike. Policia ka dërguar pranë Prokurorisë Lezhë të gjitha materialet e grumbulluara për të vijuar më tej hetimet.
Discussion about this post