Policia e Elbasanit ka finalizuar operacioni e koduar “Start 2021” ku ka vënë në pranga 3 persona pasi qarkullonin me armë zjarri dhe dyshohet se i përdornin për grabitje apo vrasje.
Në pranga ka rënë Skënder Dudija, Ali Çelmeta, Mikael Durrsaku, banues në Peqin ndërsa është shpallur në kërkim Ergi Tosko.
Nga kontrolli i forcave policore në një magazinë u gjetën dhe sekuestruan një arsenal armësh, konkretisht një kallashnikov, dy pistoleta, një armë gjahu shotgun, një thikë, një bajonetë, një granatë difensive, një ndezës, municion luftarak, dy palë targa, një sasi të vogël lënde narkotike dhe fara kanabisi.
Gjithashtu janë sekuestruar në cilësinë e provës materiale automjeti “Opel Frontera” dhe 1 aparat celular. Materialet i kaluan për veprimeve të mëtejshme hetimore, Prokurorisë së Rrethit Gjyqësor Elbasan.
Discussion about this post