Arsenali po mendon që të vihet në lëvizje për mbrojtësin e djathtë, Benjamin Henrichs.
Sipas mediave gjermane, mbrojtësi i RB Leipzig shihet si një alternativë e mundshme e klubit londinez, nëse dështon në përpjekjet eventuale për të bindur Joao Cancelon.
Bisedimet mes Arsenalit dhe përfaqësuesve të Henrichs thuhet se janë zhvilluar tashmë.
Trajneri Arteta thuhet se është një admirues i fortë i 26-vjeçarit, i cili me “Demat e Kuq” ka kontratë të vlefshme deri në verën e vitit 2025.
Tekniku i klubit nga lindja e Gjermanisë, Marco Rose, e konsideron si aset të rëndësishëm në ekipin e tij reprezentuesin gjerman dhe shpreson ta mbajë atë në ekip.
Pas largimit të Dominik Szoboszlait dhe Christopher Nkunku, klubi gjerman thuhet se planifikon të ndalojë largimin e Henrichs.
Nga Leipzigu pritet të largohet edhe ylli tjetër, Josko Gvardiol, i cili raportohet se është afër transferimit te Manchester City.
Discussion about this post