Arsenal vuan, por në minutat e fundit merr 3 pikë dhe kryeson…

Arsenali vuajti për të marrë 3 pikët në përballjen me Brentford që i rezistoi presionit të “topçinjve” deri në minutat e fundit të takimit.

Në fund fati i buzëqeshi Arsenalit që fitoi sfidën me golin e havertz në minutën e 86-të, duke vulosur rezultatin 2-1.

U duk se gjërat do të ishin të thjeshta për londinezët sidomos pas golit të Rice në minutën e 19-të, por nuk rezultoi kështu. Në shtesën e pjesës së parë, portieri i Gooners, Ramsdale në përpjekje për të larguar topin gabon, aty përfitoi Wissa i cili vendosi ekuilibrat.

Në pjesën e dytë u luajt me një portë, ku Brentford u duk se do të dilte me një pikë nga përballja me Arsenalin.

Pas fitores së sotme, Arsenal ka 64 pikë dhe është në krye të klasifikimit me një pikë më shumë se Liverpool.