Eksperti i sigurisë, Bedri Elezi, ka reaguar lidhur me aksionet e fundit të Policisë së Kosovës ku janë sekuestruar sasi të mëdha të armëve dhe janë arrestuar pesë persona të dyshuar për terrorizëm. Elezi ka dyshime që armët mund të jenë futur në Kosovë përmes Malit të Zi në Pejë.
Ndërsa për të arrestuarit është shprehur se dyshohen persona me precdentë penalë.
“Dy persona që janë arrestuar kanë qenë pjesë e luftës në Siri dhe Irak. Përvojat dhe eksperiencat që i kanë marrë në ato zona mund të paraqesin rrezik të lartë për sigurinë”, tha ai.
Ndër të tjera eksperti i sigurisë shton se për fat të keq kufijtë e Kosovës janë të brishtë dhe këtu mund të futen pa ndonjë problem armë.
Ai thotë se këto raste duhet të merren me seriozitet pasi mund të cenojnë sigurinë e Kosovës.
