Arsenali vazhdon të kryesojë Premier League, duke treguar kështu se është skuadra e momentit në Angli dhe këtë sezon është pikërisht ekipi i Mikel Artetës për tu mposhtur nga kundërshtarët.
Gabriel Martinelli ka folur për “Sky Sport” pas fitores 3-2 ndaj Liverpoolit në “Emirates Stadium” mbrëmjen e djeshme.
Braziliani hapi ndeshjen duke shënuar gol pas vetëm 58 sekondash për t’i dhënë “Topçinjve” një fillim të përsosur të ndeshjes.
“Kjo do të thotë shumë për ne. Ne kemi punuar shumë dhe e meritojmë fitoren dhe duhet të vazhdojmë sepse sezoni është i gjatë dhe ne duam të arrijmë gjëra të mira.
Ne vrapojmë për njëri-tjetrin dhe jemi një familje, të gjithë dhanë maksimumin dhe e merituam fitoren. Nuk ka rëndësi mosha juaj, është zemra juaj dhe sa shumë doni të arrini në futboll dhe jetë. Kjo është gjëja më e rëndësishme.
Ne duhet të besojmë dhe të shkojmë ndeshje pas ndeshje duke u përpjekur t’i fitojmë të gjitha”, ka përfunduar ylli i “Topçinjve”.
Discussion about this post