Arsida Cerpja kishte paralajmëruar një kallëzim penal për këngëtarin G-Bani në lidhje me fyerjet dhe shpifjet që kishte marrë nga ky i fundit brenda shtëpisë së “Big Brother VIP Albania 4”.
G-Bani pranoi vetëm kërkesën e parë dhe Arsida dukej e vendosur për kallëzimin, duke i kërkuar këngëtarit që të gjejë avokat.
Por, teksa nuk kanë kaluar as 24 orë nga ajo përballje, ish-banorja e BBV-së ka ndryshuar mendim dhe ka bërë me dije se nuk do të bëjë kallëzim, teksa tregon se e ka mbyllur çështjen dhe nuk do të procedoj më tutje.
Arsida thotë se ka ndryshuar mendim pasi G Bani i tha se “këto janë lekët e fundit që ka”, duke iu referuar 5 mije euroshit të kutisë së emergjencës dhe sipas ish banores, sado inat që ta ketë këngëtarin, prap i vjen keq dhe nuk do të donte që ta përkeqësonte gjendjen e tij.
“Hej përshëndetje. Për të mbyllur dhe këtë histori normalisht nuk do procedoj më tutje se normalisht kur tha G Bani këto janë lekët e fundit që kam, gjithsesi sado inat të kesh prapë më vjen keq dhe nuk do të doja ta përkeqësoja gjendjen e tij edhe pse pavaresisht rëndeses dhe të gjitha gjërave por dua ta mbyll me kaq. Jam e lumtur se hoqa nga krahët një peshë të rëndë që kisha. Tani mund të them që e kam mbyllur Big-un tim dhe të vazhdoj më tutje. Unë e kisha dëgjuar shumë herë G Banin që kërkonte falje dhe për atë nuk është se më bindi dhe aq por këtë herë dua t’i besoj Arbrit që thotë është i sinqertë. Shpresoj mos të përsëriten sjelljet e tij edhe pse kam dyshimet e mia, gjithsesi normalisht falja vlerësohet, pranohet dhe shpresoj që me këtë histori jam e sigurt që ka për t’u hedhur një gur për të gjithë ato që shajnë dhe bërtasin dhe ofendojnë që gjithsesi ka një përgjegjësi dhe një peshë për fjalën që thuhet edhe ajo çfarë është e trishtë në përgjithësi se tani u bë ky muhabeti më i madh se ç’ishte është fakti që shqiptarëve nuk u bën më përshtypje asnjë gjë dhe kjo është problem domethënë dukej si gjë e rëndë të merrshe në konsideratë një ofendim se jo po ne na vran, na presin gjë që për mua nuk është normale se këtu filloj çdo gjë. Gjithsesi siç ju thashë unë e mbarova rrugëtimin tim e mbarova Big-un tim!” – shprehet Arsida.
Discussion about this post