Këshilli Grevist i SBASHK-ut i ka kërkuar anëtarëve të saj pezullimin e grevës deri në janar, duke theksuar si datë të mundshme 3 tetorin për fillimin e procesit mësimor.
Në letrën e tyre dërguar edhe mediave thuhet se mësimdhënësit janë nëpërkëmbur në vitet 90-të dhe njësoj kanë përjetuar nëpërkëmbje që nga muaji i kaluar.
“Qeveria inatçore vazhdoi me nëpërkëmbjen e mësimdhënësve, duke na quajtur jo vetëm analfabetë por edhe ‘të shitur’ të agjendave armiqësore madje edhe vegla të partive opozitare, që është orvatje patetike dhe infantile. Qeveria tregoi se nuk e ka prioritet zhvillimin e arsimit përmes angazhimit cilësor dhe të dinjitetshëm të mësimdhënësve”, thuhet në reagimin e tyre.
Megjithëse qëndresës që patën për kërkesat e tyre dhe grevës disa ditore, arsimtarët hasën në vesh të shurdhët pasi kryeministri Kurti nuk mori mundimin të bisedonte për tu njohur me kërkesat e tyre.
Discussion about this post