Nëse pyesim një njeri të zakonshëm se përse njerëzit hanë mish ata gjithmonë do të të thonë ‘sepse ka shije të mirë’.
Por nëse pyesim Dr. Melanie Joy, e cila ka studiuar prej dekadash nxitjen psikologjike që bën njerëzit të hanë mish, ajo do t’ju japë një arsyetim shumë më ‘të errët’ por gjithsesi interesante.
Siç raportohet në rrjetin EducateInspireChange, Dr. Joy beson se njerëzit hanë mish prej një ideologjie mishngrënëse qe është instaluar te ta prej kohësh përkundër vegjetarianizmit ose veganizmit.
“Karnizmi ose konsumi i mishit është ideologjia dominuese, që do të thotë se kjo është thelluar në ideologjinë e shoqërisë në atë pikë sa njerëzit mendojnë se ‘kështu funksionon kjo gjë’”, shpjegon Joy.
“Pa vetëm sepse diçka nuk konsiderohet ‘siç duhet të jenë gjërat’ nuk do të thotë se ajo nuk ekziston. Racizmi nuk njihej si problem apo si ideologji më parë në histori, por kjo nuk do të thotë se nuk ekzistonte. Kështu dhe karnizmi është me ne prej disa kohësh, prandaj merret si diçka natyrale nga shumica”.
Teksa i referohej fëmijëve të vegjël që hanë mish pule ajo shtonte: “Kur ne lindim me një ideologji dominuese në botë nuk mund të bëjmë diçka tjetër përveçse ta shikojmë botën me atë sy”.
“Ka shumë njerëz në botë që nuk kanë nevojë të hanë mish pasi janë të tille si nga ana gjeografike e shoqërore. Por shumë njerëz kanë në dorë të zgjedhin kur është fjala për ngrënien e mishit, vetëm sepse nuk e kuptojnë prej verbimit të ideologjisë.”
Psikologia shpjegon më tej se konsumi i mishit bën që proceset e therrjeve të procesimit të mishit te kafshëve të mbahen larg pamjes së publikut.
Kur kafshët e fermave milen ose therren, ato mbahen në kafaze larg syrit të publikut, i cili nuk e kupton atë që ndodh në blegtorinë moderne.
Në mbrojtje të argumenteve të saj vegjentariane, Joy sjell të tjera shembuj për të zbehur nocionin se konsumi i mishit është “i drejtë” apo “inteligjent.”
Për shembull ajo thotë se një derr i zakonshëm ka inteligjencën e një fëmije 3-vjeçar, ose se pulat janë të afta të dallojnë mes 100 fytyrave të ndryshme për të njohur anëtarët e species së tyre.
Joy shton se agro-bizneset përpiqen shumë për të mbajtur publikun në padijeni të praktikave mizore të prodhimit e procedimit të mishit, duke përmendur dhe një shprehje të artistit Paul Mcartney i cili ka thënë “Sikur muret e therrtoreve të ishin prej xhami, të gjithë do të ishin vegjetarianë”.
Discussion about this post