Tregu i automjeteve duket se është në një kohë ndryshimi nga motorët tradicionalë me djegie në versione të reja hibride që kombinojnë teknologjinë me energjinë elektrike, që prezantohen si zgjidhja e të ardhmes nga media.
Kjo ka bërë që shumë njerëz të binden të ndryshojnë mjetin duke menduar se “po ndihmojnë ambjentin” apo kursejnë energjinë.
Por në të vërtetë shumë nga argumentet në favor të makinave elektrike janë të ekzagjeruara e të nxitura nga industria e fuqishme e teknologjisë.
Është e vërtetë se efikasiteti i baterive është përmirësuar ndjeshëm dhe çmimi i tyre ka ardhur duke u ulur gradualisht, por gjithsesi rangu i udhëtimit i një makine elektrike nuk i afrohet ende motorëve me djegie dhe çmimi i tyre mbetet i lartë.
Gjithashtu nëse një makinë elektrike kushton rreth 10-15 mijë euro, ndërrimi i baterisë së saj kushton më shtrenjt se vetë makina dhe ende nuk ekzistojnë vend-shkatërrime të baterive të degraduara, që do të thotë se ato do të mbeten në ambjent duke u kthyer në ndotëse serioze.
Makinat elektrike gjithsesi po fitojnë popullaritet falë modeleve fantazioze apo rritjes së çmimit të karburantit vitet e fundit.
Por megjithë entuziazmin fillestar disa vende kanë nisur taksime shtesë për këto automjete dhe të tjera kanë nisur kufizime prej rrezikut të zjarrit të baterisë, që nuk arrin të shuhet me mjete të zakonshme zjarrfikës.
Të tjera dyshime kanë ndjekur prej vitesh automejtet elektrike që deri tani janë hedhur poshtë nga media kryesore, siç është rreziku i radiacionit dhe valëve elektro-magnetike të baterisë për shoferët e pasagjerët.
Shumica e makinave të sotme elektrike ka një rang udhëtimi i prej 300-400 km me çdo karikim.
Por gjithsesi energjia e makinave elektrike duhet të prodhohet me mjete të tjera pasi ajo vetëm depozitohet në bateritë, çka sërish bie në kundërshtim idenë e ambjentit të pastër dhe ekologjisë.
Një tjetër bezdisje për shoferët është karikimi i tyre teksa shumë pak kanë durim të bredhin në kërkim të një pike karikimi.
Gjatë ditëve të ftohta në SHBA shoferët kanë raportuar se karikimi kërkon më shumë kohë, dhe në mëngjeset e dimrit mjetet elektrike shpesh nuk janë ndezur.
Në SHBA megjithë subvencionet bujare që ka bërë deri tani qeveria federale ndaj mjeteve elektrike, klientët preferojnë karburantin pasi të gjithë po e shohin se mjetet elektrike nuk po japin rezultatet e trumpetuara ambjentaliste.
Rrjeti The Hill shkruan se etiketimi i tyre “emetime zero” është i gabuar pasi energjia e tyre sërish prodhohet nga qymyri ose gazi natyror në centrale, ndërsa çmimi i tyre mbetet i kripur megjithë uljet e kostove nga politikat e gjelbra.
Automjetet elektrike janë produkte inferiore pasi dëmtojnë ambjentin dhe ekonominë në mënyra të fshehta, të cilat reklamuesit e tyre nuk preferojnë të tregojnë, shkruan The Hill.
Discussion about this post