Gazetari Artan Hoxha deklaroi se 21 janari është vrasje shtetërore.
Hoxha thekson se këtë çështje mjaft të ndjeshme duhet ta marrë në dorë SPAK-u.
Artan Hoxha: Nuk është se vura re sa kohë qëndrova, por vura në dispozicion të çështjes, Prokurori kishte deleguar detyrat për oficerët e policisë gjyqësore dhe ata më kërkuan të deklaroja lidhur me çështjen. Përshëndes prokurorin që reagoi dhe që ky detaj i ri t’i japë nxitje hetimit.
Kërkoj që këtë çështje ta marrë në dorë SPAK, e duhet ta hetojë SPAK. Duke pasur parasysh që është krim shtetëror ku janë përfshirë nivelet më të larta të shtetit, ka nevojë për hetim nga Prokuroria e Posaçme. Kjo është mundësia e fundit për ta zbardhur dhe hetuar në mënyrë shteruese “21 janarin”.
Së pari se ka kaluar shumë kohë, e dyta se kemi SPAK, e treta se kanë ndryshuar kohërat dhe nuk jemi në presion. Nëse kalon dhe ky moment, do jemi shumë vonë për t’i dhënë përgjigje familjarëve. Të qetësohen shpirtrat e të vrarëve. Janë vrarë para kamerave, janë vrarë me duart në xhepa, nuk ishin në perimetrin e hyrjes së kryeministrisë. Të zgjidhet një herë e mirë kjo histori.
Discussion about this post