Gazetari i njohur Artan Hoxha, në emisionin “Opinion” ka nxjerr informacione se SPAK ka 23 dosje të rëndësishme ku pritet që të hetohen edhe zyrtarë të lartë. Ai u shpreh se ka qenë në korrik në SPAK që të dëshmojë për një çështjet, që ka të bëjë me korrupsion shtetëror dhe që janë të përfshirë të treja palët politike në të.
“SPAK ka nja 23 dosje të rëndësishme. Puna është që të godasësh lart. Kam qenë në korrik në SPAK për një hetim, që jam thirrur për të ndihmuar hetimit. Është një çështje ka të bëjë me korrupsion shtetërore ku janë të përfshira të tëra palët. Unë kam firmosur atje. Kisha një provë dhe e dhashë. Hetim ka në nivele shumë të shumë të larta” – u shpreh gazetari Artan Hoxha.
Ndërsa gazetarja Klodiana Lala tha se është riaktivizuar dosja e ish-ministrit Dritan Prifti, e cila pritet që të shkojë në nivele të larta hetimi.
“Është një dosje që derivon nga një dëshmi e ish-ministrit të ndjerë Dritan Prifti. Është riaktivizuar ajo dosje. Ka dhënë disa dëshmi ai. Ka ndodhur për një dosje vrasjesh në Durrës. Kur doli Tani. Nëse do i shkohet hetimi deri në fund. Di që janë dorëzuar disa intervista që nuk janë publikuar kurrë. Nuk e di përmbajtjen e intervistave. Por nga burime brenda SPAK po punohet dhe mund të shkohet në nivele të larta” – u shpreh Kodiana Lala.
SPAK ka filluar lëvizjet me ndihmën e Ambasadën e Shteteve të Bashkuara të Amerikës në Shqipëri, ku ish-Kryeprokurori Adriatik Llalla është i pari ish-zyrtar i dënuar për korrupsion.
