Kadastra e Vlorës është e njohur për skandalet me dokumentet e pronave dhe kryetarët e korruptuar që ndërrohen sa herë ju afrohet rreziku. Por, kreu i Agjencisë Shtetërore të Kadastrës, Artan Lame, nuk do t’ia dijë ka vendosur të dërgojë një shumë parash në “gojën e ujkut”. Në një tender të publikuar së fundmi pranë Agjencisë së Prokurimeve, Lame ka përcaktuar një fond limit prej 105.351.850 lekësh pa TVSH për rikonstruktimin e Kadastrës së Vlorës.
Ndërkohë, ajo që bie në sy është se përveç se Lame po dërgon miliarda lekë në një institucion që së pari ka nevojë të rregullohet nga ana funksionale dhe detyrimet qe ka, këto shpenzime nuk do të sjellin produktivitet. Kjo pasi në këto momente që flasim gjendja e Kadastrës së Vlorës është teje e amortizuar, çka do të thotë se në këto momente nuk ke se çfarë t’i bësh një ndërtese në gjendje të tillë.
Kadastra e skandaleve
Por, faktet e deri më tanishme tregojnë që ky institucione ka së pari më shumë nevojë për rregull dhe transparencë dhe jo për miliarda lekë të derdhura dëm që nuk shërbejnë në favor të qytetarëve.
Kadastra e Vlorës njihet për kryetarët që kanë qëndruar më pak kohë në punë, për shkak se disa prej tyre janë konstatuar në shkelje. Kujtojmë se, 10 ditë pasi mori detyrën, Alteo Nazëraj u shkarkua nga posti i drejtorit të komanduar te Kadastrës se Vlorës në 19 shtator të 2019. Në vend të tij u vendos Elona Hodaj, e cila ka mbajtur më herët postin e Drejtores së Fondit të detyrueshëm të kujdesit shëndetësor. Por pa kaluar shumë kohë edhe Hodaj u shkarkua dhe në vend të saj u emërua, Viola Hima, e cila mbajti vetëm për pak ditë këtë post dhe dha dorëheqjen në qershor të 2020 dhe në korrik u emëruar Andi Binaj. Por edhe ky i fundit ka mbajtur vetëm për pak muaj këtë post, pasi u shkarkua dhe në vend të tij u vendos Klodian Troci, i cili la detyrën ën shtator të këtij viti për t’i dorëzuar postin Reinard Metajt.Kadastra e Vlorës pati një krizë të gjatë në drejtimin e saj, ku në 10 muaj u ndërruan 8 drejtorë. Gjithë këto largime kanë ardhur si shkak i çështjeve të pazgjidhura me pronat e bregdetit.
E.H/Gijotina.com/
Discussion about this post