30 familje në Krujë kanë protestuar pranë AKSH në lidhje me shtëpitë e tyre, pasi kanë blerë disa banesa në një pallat në Krujë, ku ndërtuesi i parë ka shpallur falimentin.
Ndërkohë ndërtuesi i dytë nuk ua njeh shtëpitë, të cilat ata i kanë me dokumente të rregullta. Ata vijojnë të sorollaten teksa nuk po gjendet ende një zgjidhje për banesat e tyre teksa akuzojnë noteren dhe kreun e Kadastrës Artan Lame se kanë bërë veprime të paligjshme.
“Çdo përgjigje që kemi marrë nga Lame janë të falsifikuara, sikur legalizimi është bërë më 9 maj, janë fallco. Më 24 janar ka bërë një kontratë te noteri. Sot arshivën e ka e bija dhe e bija po bën gjëra të paligjshme. E ka përdorur gjithandej firmën. Kur e morëm vesh që ka dhënë legalizimin i jemi drejtuar Ramës. Me urdhër të Lames janë bërë shitje të paligjshme. Më 9 qershor është bërë ç’legalizimi. Më 20 prill solli urdhrin që të anulohen pezullimet, e bija e noterit dhe pas urdhrit u bën shitje të paligjshme më 21 prill, me firmën e noteres, me 20 prill ka ardhur urdhri i pezulluar nga Lamja dhe më 21 prill noterja ka bërë shitje të paligjshme. Pra brenda ditës, si ka mundësi kjo notere ti bëjë të gjitha brenda ditës. Kjo notere të bëjë këtë padrejtësi është e paligjshme. Artan Lame po na ha pronat tona. A ka shtet a nuk ka?”, u shpreh një banore.
Discussion about this post