Artan Myrtaj ose ndryshe i njohur me nofkën “Tani i Ruzhdiut”, është vrarë me armë zjarri paraditen e sotme në Sarandë
Sipas të dhënave paraprake, Myrtaj është qëlluar me armë zjarri dhe ka mbetur i vdekur në vend.
Autorët dyshohet se kanë qenë dy persona të maskuar me skafandra, të cilët lëviznin me motor dhe janë larguar nga vendngjarja pas atentatit.
Nga të shtënat ka mbetur i plagosur edhe një kalimtar, i cili ndodhej pranë vendit të ngjarjes.
Artan Myrtaj rezulton të jetë arrestuar në vitin 2025, pasi ishte proceduar për përkrahje të autorit, në lidhje me një rast plagosjeje të ndodhur në Sarandë.
Myrtaj rezulton si i përfshirë në një ngjarje kriminale të ndodhur në 17 korrik 2025 në lagjen nr.4 të Sarandës, ku u plagosën me armë zjarri Ernest Lama dhe Gëzim Hajdaraj nga Kamza.
Autori i plagosjeve ka qënë Ramadan Zoto, ndërsa Klaus Jaçaj së bashku me Erjon Jaçaj dhe Artan Myrtaj bashkëpunuan me të dhe e ndihmuan pas ngjarjes që të arratisej.
Fill pas kësaj ngjarje, në Sarandë ka pasur një sërë episodesh hakmarrjeje, ku Isuf Jaçaj, i ati i Klaus Jaçajt u vra me tritol si dhe ka patur një rast të shkatërrimit të pronës së Ramadan Zoto.
Ramadan Zoto aktualisht po vuan dënimin me burg për plagosjen e Ernest Lama dhe Gëzim Hajdarajt, ndërsa viktima e ditën së sotme Artan Myrtaj së bashku me Klaus Jaçaj ishin të akuzuar për “përkrahje të autorit” dhe ishin lënë të lirë para pak kohësh.
Mësohet se Myrtaj ishte përdorues i lëndëve narkotike, dhe kishte precedent të mëparshëm penal për ‘vjedhje’, sakaq, në kërkim mbetet Erjon Canaj.
Discussion about this post