Kampionati Botëror “Katar 2022” po afron. Kështu, disa prej futbollistëve më të mirë në botë do të vihen përballë njëri-tjetrit. Nga ana tjetër, tifozët presin më shumë yje të rinj. Kjo pasi është pikërisht mosha që i ka lënë prapa Cristiano Ronaldon, Lionel Messin e Robert Lewandowskin, në listën e lojtarëve më të shtrenjtë.
Në vijim janë tre lojtarët më të shtrenjtë që do të luajnë në Katar:
Në mungesë të Erling Haaland (që vlerësohet 170 milionë euro), anësori francez Kylian Mbappe është futbollisti më i shtrenjtë në Kampionatin Botëror.
Lexo edhe: Nga Nations League, Katar 2022 tek e ardhmja, Reja flet pa “doreza” për mediat italiane
Gjatë verës së kaluar, ai ishte në listën e dëshirave të Real Madridit. Për këtë arsye ndodhet në krye si lojtari më i shtrenjtë. Ylli Paris Saint-Germainit ka për qëllim që ta fitojë për të dytën herë radhazi Kupën e Botës.
Brazili është në mesin e skuadrave favorite për ta ngritur trofeun në Katar. Ndërsa do të jetë përpjekja e parë e Vinicius Junior për Kupën e Botës.
Sulmuesi i Real Madrid që e fitoi Ligën e Kampionëve në edicionin e kaluar, është i dyti në renditje me vlerë prej 120 milionë euro.
Futbollisti anglez Phil Foden ka luajtur për herë të parë në Kampionatin Botëror dhe ka vlerën prej 110 milionë euro.
Ai ka qenë në formë të shkëlqyer për Manchester Cityn këtë sezon dhe është lidhur shumë mirë me Haaland.
Krahas këtyre tre futbollistëve janë edhe emra të tjerë, si Thibaut Courtois (60 milionë euro), Fede Valverde (100 milionë euro) Jamal Musiala (100 milionë euro), Alphonso Davies (100 milionë euro), Trent Alexander-Arnold (70 milionë euro), Jude Bellingham (100 milionë euro)m Pedri (100 milionë euro) e të tjerë.
Discussion about this post