Reperi Arkimed Lushaj i njohur ndryshe si Stresi është komentuar së tepërmi për hyrjen e tij në spektaklin “Big Brother VIP Kosova”. Ai ka arritur të tërheqë vëmendje si me veprimet dhe me deklaratat apo debatet me banorë të ndryshëm.
Në një bisedë të bërë së fundmi brenda ambienteve të shtëpisë, reperi me prejardhje nga Tropoja rrëfeu se ka bërë aq karrierë dhe emër, aq sa në ditën e ceremonisë së varrimit mendon se do të ketë një numër milionësh të prezencës së njerëzve.
“Ky burrë këtu ka me e mbyt karrierën e do të vdesë, me tre milionë banorë që kanë me më ardhë në varrim, krejt Shqipëria e Kosova kanë me më ardhë, ka me qenë vargu ku s’pritet më, as Tupacu as Bigu s’kanë me pas aso varrimi, ditën kur të ma shkruan i madhi Zot”, ka thënë Stresi.
E gjitha kjo ndodhi gjatë një bisede mes disa prej banorëve, ndërkohë që aktorja Shota Baraliu i ka sugjeruar që të mos e mendojë më vdekjen.
Një nga të nominuarit e javës pritet të lërë shtëpinë e Big Brother VIP Kosova sonte (e premte).
Të nominuarit janë: Gjon Karrica, Urimi dhe Alisa, Artan Thaqi, Shota Baraliu, MC Beka dhe Xhuli Nura.
Discussion about this post