Të hënën zhvillohet derbi i madh i kryeqytetit ndërmjet Tiranës dhe Partizanit. Një përballje që ofron spektakël dhe shumë emocione. Partizani nuk është në ditët e saj më të mira por sidoqoftë mbetet derbi dhe është duel i paparashikueshëm.
Jasir Asani, ish-futbollisti i Partizani ka theksuar se këtë duel e fitojnë të kuqtë.
“Mendoj se do të jetë një ndeshje derbi shumë e fortë, sepse Partizanit i duhen patjetër tri pikët. Por, edhe Tirana ka një ekip shumë të mirë, por besoj se në fund do të fitojë Partizani. Mendoj se është shumë herët për të vendosur për një rikthim apo jo. Akoma nuk është vendosur asgjë, pasi gjërat po ecin mirë këtu. Gjithsesi, le t’ia lëmë kohës”, theksoi Asani.
