Futbollisti i ekipit kombëtar Jasin Asani i dedikon një status mirënjohje Sokol Çikalleshit me rastin e largimit të këtijn të fundit nga ekipi kombëtar.
“Ndihem i privilegjuar që kam patur fatin dhe mundësinë të mësoj nga ti, e jam po aq krenar që kam zbritur në fushë përkrah teje për të njëjtin qëllim, për kombin tonë.
Krahas vlerave që nuk diskutohen si futbollist, ti je një njeri i madh me vlera të jashtëzakonshme. Do mbetesh gjithnjë pjesë e historisë, në pjesën e artë të saj, si një legjendë, që ka dhënë gjithçka për fanellën.
Suksese në çdo hap të jetës në vijim Sokol Cikalleshi’, shkruan Asani në mesazhin e tij.
Çikalleshi ishte pjesë e kombëtares për gati 10 vite dhe ka dhënë një kontribut të vyer, duke qenë një nga sulmuesit kryesor të ekipit kuqezi.
Mungesa e 33 vjeçarit në Euro2024, ishte një surprizë e madhe për të gjithë, pasi ka qenë titullar në të gjitha ndeshjet eliminatore.
Discussion about this post