“Asfalt elektoral” në Kinostudio, Këlliçi: Ta hetojë SPAK

Drejtuesi politik i PD për Qarkun e Tiranës, Belind Këlliçi, ka denoncuar hedhjen e “asfaltit elektoral” në Njësinë nr.4 në Tiranë.

Në postimin e tij në Facebook, Këlliçi ka publikuar një video nga terreni ku sipas tij po kryhet krimi elektoral, duke i bën thirrje prokurorëve të Task Forces së SPAK për ta hetuar në kushtet e flagrancës.

“Thirrje publike për Task Force e SPAK të ngritur për hetimin e krimeve elektorale! Asfalti elektoral pushton edhe Njësinë nr.4 në Tiranë. Këtu jemi në rrugën “Pjetër Dungu”, zona e Kinostudios. Le të shkojnë prokurorët sot e ta hetojnë në kushtet e flagrancës këtë vepër penale e krim elektoral”, shkruan Këlliçi në komentin që shoqëron videon e postuar.