Tre zjarrfikës janë asfiksuar nga tymi gjatë operacionit për shuarjen e zjarrit në malin e Dukatit, i cili vijon prej tre ditësh pa u vënë ende nën kontroll.
Ata janë transportuar me urgjencë në spital dhe ndodhen jashtë rrezikut për jetën.
Zjarrfikësit Luan Kapaj, Andrea Lala dhe Dëfrim Bilali kanë marrë ndihmë mjekësore në spitalin e Vlorës pas gjendjes jo të mirë shëndetësore për shkak të asfiksimit nga tymi, dhe tashmë janë në gjendje të mirë shëndetësore dhe të stabilizuar.
Ata janë vizituar nga afër edhe nga ministri i Mbrojtjes, Pirro Vengu. Ndërkohë që zjarrfikësi Luan Kapaj ka treguar momentet e para për gjendjen e krijuar dhe ndihmën e marrë menjëherë, ndërsa ndalet edhe te situata në malin e fshatit Dukat.
Ministri Vengu ka theksuar ndërkohë se efektivët tashmë janë në gjendje të stabilizuar pas situatës së krijuar për shkak të gjendjes së tyre gjatë momenteve të luftës me flakët.
Zjarri ka përfshirë një sipërfaqe të madhe pyjore dhe vijon të përhapet për shkak të terrenit të vështirë dhe erës së fortë. Në terren ndodhen forcat zjarrfikëse dhe të ushtrisë, ndërsa autoritetet po ndjekin nga afër situatën dhe bëjnë thirrje për kujdes në zonat e prekura.
gijotina.com/
Discussion about this post