OSBE me anë të një njoftimi që kanë postuar në portalin e tyre kryesor, kanë lajmëruar se nga data 7 deri më 9 shtator 2021 në Shqipëri është organizuar një trajnim i avancuar mbi hetimet komplekse ndërkombëtare të drogave me personelin e Policisë së Shtetit
Kjo veprimtari u zhvillua në Akademinë e Sigurisë në Tiranë, në vijim të kursit të vitit të kaluar për hetimin e drogës të organizuar nga Prezenca në mbështetje të Policisë së Shtetit për të përmirësuar bashkëpunimin ndërkombëtar dhe për të luftuar krimin e organizuar.
Trajnimi kishte për synim rritjen e kapaciteteve të Policisë së Shtetit për asgjësimin e grupeve të organizuara kriminale të specializuara në trafikun e drogës.
Vitet e fundit, Prezenca e OSBE-së ia ka kushtuar rreth tre të katërtat e veprimtarive të saj të lidhura me policinë trajtimit të kërcënimeve që sjell kriminaliteti i organizuar, duke mundësuar pjesëmarrjen e oficerëve të Policisë së Shtetit në konferenca dhe trajnime për të forcuar kapacitetet e tyre profesionale në hetimin e çështjeve të narkotikëve dhe krimit të organizuar.
