Tre persona kanë rënë në prangat e policisë së Durrësit pasi akuzohet për shitje të lëndëve narkotike cannabis sativa. Në kuadër të operacionit të koduar “Ishmi” është bërë i mundur arrëstimi i tre të rinjve përkatësisht dy 21 vjeçar dhe një 26 vjeçar.
Ndër të tjera mësohet se janë asgjësuar nëpërmjet djegies 70 bimë narkotike kanabis, si dhe sekuestrohet një sasi e kësaj lënde narkotike e ndarë në doza.
Këta 3 shtetas u kapën në flagrancë në fshatin Ishëm, pranë vendit ku kishin kultivuar 70 bimë të dyshuara narkotike cannabis sativa. Gjatë kontrolleve, këtyre shtetasve iu gjet një sasi lënde e dyshuar narkotike cannabis sativa e ndarë në disa doza të gatshme për shitje.
Bimët narkotike u asgjësuan nëpërmjet djegies, ndërsa dozat e lëndës narkotike u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Parë të Juridiksionit të Përgjithshëm Durrës, për veprime të mëtejshme.
Discussion about this post