Policia e Shkodrës ka asgjësuar 3126 bimë të dyshuara si Cannabis Sativa, të zbuluara në zona të ndryshme të qarkut Shkodër.
Sipas njoftimit zyrtar të Policisë, operacioni përfshiu njësitë administrative Shalë, Pult, Shosh, Ana e Malit, Kastrat, Kelmend, Temal dhe Shllak.
Ndërkohë janë proceduar penalisht, për shpërdorim të detyrave, 2 kryetarë fshatrash dhe 1 roje mjedisi.
Njoftimi
-Në Shkodër, në zonat e Shalës, Pultit dhe Shoshit u gjetën dhe u asgjësuan 922 bimë narkotike. Është proceduar penalisht në gjendje të lirë për “shpërdorim detyre” kryetari i fshatit Oblikë, shtetasi S. P..
-Në Malësi të Madhe, në Kastrat dhe Kelmend u zbuluan 1034 bimë Cannabis Sativa, dhe po për të njëjtën vepër penale janë proceduar kryetari i fshatit Selcë, shtetasi A. D., si dhe roja i mjedisit, shtetasi P. G..
-Në Vaun e Dejës, në zonat Temal dhe Shllak, u identifikuan dhe asgjësuan 1170 bimë narkotike.
Policia ka bërë të ditur se kontrollet do të vijojnë me intensitet të lartë, ndërsa është në proces identifikimi dhe kapja e autorëve të përfshirë në kultivimin e kanabisit.
Discussion about this post