Asgjësohen mbi 6 mijë bimë kanabisi në Shkodër, vetëm 1 i arrestuar

Policia e Shkodrës ka ndërmmarë këtë të mërkurë një operacion anti-kanabis, ku ka asgjësuar 6201 fidanë bimësh narkotike, në vende të ndryshme.

Policia bën me dije se ka identifikuar dhe ka vënë në pranga autorin e dyshuar të kultivimit në malin e Shoshit, të 835 prej këtyre fidanëve, ndërsa për rastet e tjera, ende nuk ka të arrestuar.

Në pranga ka përfunduar shtetasi M. L., 29 vjeç, banues në fshatin Hot i Ri.

4902 fidanë kanabisi u gjetën gjatë kontrolleve në territorin e njësive administrative Shosh, Shalë, Pult dhe Postribë.

Në territorin e njësisë administrative Temal, Vau i Dejës, u gjetën 244 fidanë kanabis, ndërsa në territorin e njësisë administrative Gjegjan, Pukë, u gjetën 220 fidanë kanabis.