Policia në Krujë ka dhënë informacione në lidhje me ngjarjen e rëndë të ndodhur këtë pasdite, ku ashensori ka zënë poshtë dy punëtorë.
Sipas bluve, dy punëtorët e dëmtuar janë një shqiptar dhe një turk, të moshave 50 dhe 51 vjeç.
“Më datë 12.06.2023, në lagjen “Zim Zeneli”, në Krujë, në një pallat, gjatë testimit të një ashensori janë dëmtuar shtetasi A. B., 51 vjeç, dhe shtetasi turk S. S., 50 vjeç.
Të dëmtuarit janë transportuar në spital dhe ndodhen nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të plotë të ngjarjes”, njofton policia.
Discussion about this post