Kryeministri i Kosovës Albin Kurti është shprehur se masat e reja anti-covid i përgjigjen situatës pandemike në vend, por edhe nevojës për të qenë të kujdesshëm ndaj virusit i cili me disa variante të tij vazhdon të jetë prezent.
“Mbledhjen e mbrëmshme të Qeverisë, të 46-tën, e zhvilluam në mënyrë elektronike. Si vendim të parë, miratuam masat e reja për kontrollin, parandalimin dhe luftimin e pandemisë COVID-19. Ato i përgjigjen situatës së tanishme pandemike në vend por edhe nevojës për të qenë të kujdesshëm ndaj virusit i cili me disa variante të tij vazhdon të jetë prezent në mesin tonë”, shkruan Kurti.
Një ditë pas vendimit për masat e reja anti-covid, Kurti tha se po ashtu se qeveria vitin 2022 e ka shpallur vit të personave me aftësi të kufizuara në Republikën e Kosovës.
Masat e reja anti Covid hynë në fuqi ditën e sotme, ku mësohet se çdo person që dëshiron të hyjë në Kosovë duhet të posedojë një dozë të vaksinimit jo më të vjetër së katër javë së bashku me testin PCR negavit për Covid-19, jo më të vjetër se 48 orë, ndërsa që nga data 3 janar 2022, të gjithë personat që hyjnë në Kosovë duhet të kenë dëshminë e të dy dozave të vaksinimit. Gjithashtu, të gjithë personat që përdorin transportin publik duhet të posedojnë certifikatën e vaksinimit të plotë (me dy doza) kundër Covid-19.
Discussion about this post