Koronavirusi po rikthen tmerrin në Gjermani, pasi ditët e fundit është regjistruar rekord i ri infektimesh ditore. Sipas të dhënave të publikuara, incidenca javore arriti mbi 263 të infektuar për 100.000 banorë. Të enjten pati më shumë se 50.000 të infektuar të rinj në një ditë. Ka lande federale si Bavaria, që kanë shpallur gjendjen e jashtëzakonshme.
Autoritetet paralajmërojnë për ashpërsim masash, por kritikët thonë se situata aktuale ndryshon nga valët e tjera të pandemisë. Ekspertët gjerman shprehen se, situata aktuale ka një dallim të madh me dimrin e kaluar.
Atëherë vdisnin përditë 900 vetë, tani humbasin jetën 144 vetë – tendenca e rritjes është jo e shpejtë. Është vaksinuar deri tani 66,9 përqind e popullatës. Miliona vetë e kanë kaluar Covidin. Ata thonë se njerëzit nuk duhen frikësuar duke u nisur vetëm nga modele abstrakte matematikore të avancimit të virusit. Njëkohësisht duhen mbajtur parasysh si pasojat ekonomike, ashtu edhe pasojat psikike te gjendjes së vazhduar të panikut te njerëzit, kur shqiptohen thirrje alarmuese për vetëkufizim social.
Discussion about this post