Bruno Fernandes ka pranuar se goli që i dha atij ndaj Uruguait, nuk është i tiji, por i Cristiano Ronaldos.
Ylli 37-vjeçar protestoi se goli duhej të ishte i tij dhe jo i mesfushori të Manchester United, derisa shumëkush u tall me të se nuk mund të bënte pretendime të tilla se kinse e ka prekur topin me flokë.
“Unë nuk mendoj se ka shumë rëndësi kush shënoi. Ndjenja ime në atë kohë ishte se Cristiano preku topin. Unë po asistoja tek ai. E festova sikur të kishte qenë goli i Cristianos. Por, ajo që është e rëndësishme është se ne jemi në gjendje të shkojmë në raundin tjetër me një fitore të rëndësishme kundër një kundërshtari të vështirë”, ka thënë Fernandes.
Trajneri i Portugalisë , Fernando Santos në mënyrë të çuditshme refuzoi t’u përgjigjej pyetjeve të drejtpërdrejta se kush e kishte shënuar golin e parë.
“Ishte një ndeshje e shkëlqyer, skuadra jonë luajti shumë mirë. Pjesa tjetër, për mua, nuk ka rëndësi. Ishte një fitore e merituar. Ekipi bëri atë që tha se do të bënte. Ne kalojmë në raundin tjetër”, deklaroi trajneri i Portugalisë.
Discussion about this post