Ambasadorja e SHBA-së, Yuri Kim është takuar ditën e sotme me 15 prokurorë të Prokurorisë së Posaçme (SPAK) për t’iu shprehur vlerësimet për punën e bërë.
“Ambasadorja Yuri Kim u takua me 15 prokurorët e SPAK për t’iu shprehur vlerësimin për punën e palodhur në ekip dhe ndjekjet penale të shumta të suksesshme. Është lajm i mirë për Shqipërinë që klasa e parë e hetuesve të BKH po iu bashkohet atyre në luftën kundër krimit dhe korrupsionit”.
Ambasada e SHBA shkruan në Facebook, se së bashku me 28 hetuesit e BKH, ata do u japin përparësi çështjeve më të rëndësishme duke ndjekur penalisht të gjithë ata që dëmtojnë shqiptarët dhe pasurojnë veten.
“Klasa e BKH me 28 hetues të përkushtuar dhe të trajnuar mirë do të sigurojë ndërtimin e çështjeve të forta nga SPAK. Së bashku, ata do u japin përparësi dhe fokus çështjeve më të rëndësishme dhe do modelojnë pavarësi dhe përgjegjshmëri. Së bashku, ata do të ndjekin penalisht dhe do bëjnë përgjegjës ata që dëmtojnë shqiptarët dhe pasurojnë vetveten përmes krimit të organizuar dhe korrupsionit. Askush nuk është mbi ligjin”.
Gjithashtu, ambasada ka përsëritur thirrjen e Yuri Kim “Askush nuk është mbi ligjin” dhe “Koha e pandëshkueshmërisë po merr fund”.
