Milani u shpall vjet kampion në Itali, për të 19-ën herë. Për suksesin e arritur dhe se si ndryshoi gjithçka ka folur Zlatan Ibrahimovic, sulmuesi 40-vjeçar që këtë verë zgjati edhe me një vit kontratën me kuqezinjtë.
“Kur mbylla kontratën me Los Angeles, vendosa të rikthehesha te Milani. Ishin në mesin e tabelës, gjërat kishin ndryshuar dhe Milani nuk ishte më Milan. Këtu gjeta djem të talentuar, por u mungonte dikush që t’i drejtonte, një veteran që mund t’i udhëzonte.
Unë u dhashë gjithçka nga personaliteti im. Gjithçka ndryshoi dhe askush nuk besonte. Ata djem u bënë burra, të gjithë u transformuan. Sot kemi një realitet, deri dje të njëjtët lojtarë, askush nuk i dëshironte, madje i përçmonin, sot të gjithë i duan, madje ofrojnë shuma të larta, të frikshme.
Ata kanë vendosur të qëndrojnë dhe të luajnë për këtë fanellë, sepse këtu rilindën. E gjithë karriera ime ka qenë e tillë, asnjëherë skam preferuar diçka të gatshme dhe në fund të iki, por kam dashur gjithmonë diçka që t’a ndërtojë nga themelet. Ky Milan tani i ka themelet e ngritura, të sigurta dhe të forta”, rrëfen Ibrahimovic.
Discussion about this post