Kryetari i Partisë Demokratike, Lulzim Basha ka dhënë një mesazh për demokratët një ditë pas mbledhjes së Kuvendit Kombëtar. Burime pranë PD-së bëjnë me dije se kryedemokrati ka kërkuar që të gjithë të jenë bashkë në një qëllim, për një parti më të forte deri në rrëzimin e Ramës.
“Të nderuar anëtarë të Kuvendit Kombëtar, të dashur demokratë e demokrate! Ju falënderoj me mirënjohje për kontributin tuaj, për angazhimin dhe përkushtimin për të ardhmen e Partisë Demokratike. E di që nuk kanë qenë ditë të lehta për ju, e di që keni qenë nën presion, por më mirë se kushdo ju e dini se këtu nuk bëhet fjalë për fatin e një individi por për fatin e PD-së.
Ne duhet të vazhdojmë rrugën tonë, dukë mirëkuptuar çdonjërin prej nesh që sot, për shumë arsye kanë mendime të tjera por askush nuk është i tepërt, të gjithë janë pjesë e familjes tonë. Unë kam dëgjuar çdo kritikë dhe natyrisht i mirëpres pa asnjë paragjykim, sepse ne të gjithë së bashku kemi vetëm një qellim, një Parti Demokratike të fortë dhe rrëzimin e Edi Ramës” – thuhet në mesazhin e Bashës.
Discussion about this post