Disa video të 6-vjeçarit Artur, i cili vdiq tragjikisht nga torturat që dyshohet se i bënë prindërit e tij, po qarkullojnë në Britani duke shokuar të opinionin publik.
Në video shfaqet Arthur Labinjo-Hughes me pizhame, teksa duket i dobësuar. Vogëlushi është fiksuar nga kamerat duke u munduar të marrë mbulesën dhe jastëkun nga dyshemeja.
Këto video u shfaqën para juristëve në Coventry Crown Court të martën, 23 nëntor ku Thomas Hughes, 29 vjeç dhe Emma Tustin, 32 vjeç, akuzohen për vrasjen e Arthurit në shtëpinë e tyre në Solihull, West Midlands, më 17 qershor të vitit të kaluar.
Në videon e regjistruar një ditë më parë në 2020, më 16 qershor djali shihet duke luftuar për të qëndruar para se të rrëzohet në dyshemenë e dhomës së ndenjes. Arthur qan dhe thotë 4 herë “Askush nuk më do” teksa përpiqet të ecë në dhomë. I duhen më shumë se dy minuta para se të ngrihet në këmbë, të marrë jorganin dhe të ecë në një distancë prej dy metrash deri te dera që të çon në dhomën tjetër.
Gjithashtu në video dëgjohet Arthur duke thënë “Askush nuk më ushqen mua.”
Fillimisht prindërit deklaruan se se ai vdiq pasi përplasi kokën në çimento, por ekzaminimet zbuluan tmerrin e vërtetë.
Babai 29-vjeçar i Aturit Thomas Hughes dhe njerka 32-vjeçare Emma Tustin, akuzohen për torturë të fëmijës deri në vdekje.
Prokurori Jonas Hankin tha se dyshja abuzuan fizikisht dhe verbalisht me Arthurin për t’i shkaktuar atij dëm dhe vuajtje të konsiderueshme’.
Discussion about this post