Elbasani padiksutim është skuadra e momentit në Superiore. Ekipi i drejtuar nga Ivan Gvozdenovic ka arritur të marrë rezultate mjaft pozitive në kampionat.
Saktësisht në 5 javët e fundit kanë siguruar plot 13 pikë. Kanë marrë 4 fitore dhe 1 barazim, duke iu afruar kështu me 1 pikë vendit të 4-të që mbahet nga Partizan. Pozicion ky që të siguron edhe “Final – Four”.
Elbasanasit kanë barazuar me Dinamon, teksa më pas kanë fituar me Laçin, Tiranën, Egnatian dhe Bylisin. Dueli i radhës për ta do të jetë ndaj Vllaznisë, një kundërshtar jo shumë i lehtë.
Kjo pasi shkodranët ndodhen në vendin e dytë-të në tabelën e klasifikimi me 55 pikë, por tashmë jemi mësuar se verdheblutë nuk i kanë “frikë” të mëdhatë. Përballje kjo e parashikuar të luhet në “Elbasan Arena” ditën e shtunë në orën 15:30. Sfidë e vlefshme për javën e 35-të të Superiores, e cila është edhe e parafundit për këtë sezon.
Discussion about this post