Kristjan Asllani ishte lojtari kyç i Inter në fitoren 1-0 ndaj Verona, pasi realizoi golin e vetëm të sfidës që e mban ekipin e Inzaghi në garën për titullin kampion.
Mesfushori shqiptar për këtë u bë pjesë e formacionit më të mirë nga Sofascore për javën e 35 të Serie A. Asllani mori notën 8 dhe ishte i vetmi futbollist i Inter në skuadrën ideale të dominuar nga lojtarët e Atalanta. 23-vjeçari ishte saktë edhe në pasimet e tij ku 93% e tyre rezultuan të suksesshme.
Kristjan Asllani po kalon një sezon të vështirë me pak minuta në dispozicion dhe i kritikuar për paraqitjet e tij, por ndeshja me Verona solli vlerësim për futbollistin shqiptar. Asllani edhe pse është nën kontratë deri në 30 Qershor të 2028 është përfolur në media për një largim të mundshëm në verë.
Discussion about this post