Asnjë viktimë në 24 orët e fundit, ulet numri i të infektuarve me COVID-19 në Kosovë

Ministria e Shëndetësisë ka publikuar të dhënat e COVID-19 për 24 orët e fundit, ku sipas të dhënave 999 testime, 8 qytetarë kanë rezultuar pozitiv me COVID-19.

Ndërkohë që lajm i mirë është që gjatë 24 orëve të fundit, nuk është shënuar asnjë rast i vdekjes.

Sot janë shëruar 6 qytetarë, derisa numri i përgjithshëm i të shëruarve është 157.440.

Ministria e Shëndetësisë bën me dije se numri total i rasteve aktive në të gjithë vendin është 462, ku 51 pacientë po marrin ndihmë mjekësore në spitalet COVID, nga të cilët 15 prej tyre janë në gjendje më të rënduar.

Prishtina mban numrin më të lartë të rasteve aktive, përkatësisht me 100 raste, e ndjekur nga komuna e Ferizajt, Kamenica, Prizreni e Gjilani.