Gazment Bardhi, i cili drejton grupin e deputetëve të PD-së zyrtare, u shpreh mbrëmjen e sotme në emisionin “Log.” kundër qëndrimit të Kryeministrit Edi Rama, i cili sot deklaroi se ka një draft-propozim për Asociacionin në komunat me shumicë serbe.
Bardhi u shpreh se Shqipëria nuk mund të sillet sikur është mbi palët, por duhet të jetë në krah të Kosovës.
“Shqipëria mban anë në konfliktin mes Kosovës dhe Serbisë. Ne nuk jemi mbi palët në këtë konflikt. Ne jemi me Kosovën.
Sot Edi Rama ka dekonspiruar veten që ai qoftë Serbinë dhe kryeministrin apo Kosovën dhe institucionet e Kosovës i trajton në të njëjtën formë dhe fakti që këta amerikano francezët ia paskan besuar Edi Ramës të bëjë postën në këtë proces do të thotë që edhe faktori ndërkombëtar njeh afërsinë e Edi Ramës si me Kosovën si me Serbinë.
Është e paprecedentë dhe një nga shkeljet më të rënda të republikës së Shqipërisë. Institucionet tona duhet të jenë në krah të Kosovës por kryeministri i Shqipërisë nuk mund të sillet si mbi palët dhe të trajtojë në të njëjtën mënyrë Kosovën dhe Serbinë”, deklaroi Bardhi.
Discussion about this post