Eventi sportiv ka marrë vëmendjen e Europës, sytë e së cilës janë drejtuar nga stadiumi “Air Albania” në Tiranë. Ethet e ndeshjes finale të Conference League, Roma-Feyenoord i kanë përfshirë të gjithë. Tashmë kanë nisur edhe parashikimet për rezultatin se cila do të jetë skuadra triumfuese që do të ngrejë kupën e kampionatit europian. Astrologia e njohur, Meri Shehu, jep parashikimin e saj. Si fillim, ajo përcakton se shenjat e skuadrave janë: Binjak (Roma, 7 Qershor 1927) dhe Gaforre (Feyenoord, 19 Korrik 1908). Dielli i buzëqesh Romës, por prapavija e Mërkurit në Dem është pika e dobët astrologjike.
“Kemi dy skuadra, Binjak, Gaforre, njëra pas tjetrës. Nëse do merrnim të Romës, Binjaku udhëhiqet nga Mërkuri i cili është kthyer i kundërt në shenjën e Demit, pra në një pozicion pak më të vështirë se sa ishte për Binjakët. Por mos të harrojmë që kemi Diellin në Binjak dhe është një parametër shumë shkëlqyes, domethënës dhe ndihmues, më i fuqishmi nga të gjithë, që i jep një potencë dhe energji shumë të madhe Romës. Por a do ta vlerësojë Roma këtë shkëlqim të Diellit dhe nuk do bëjë gabime me Mërkurin e kundërt? Kjo ngelet për tu parë se tendenca është që Roma të bëjë disa gabime fatale ose të ketë një moment të vështirë. Dielli do ta ndihmojë dhe do ketë një shkëlqim të madh. Por nëse marrim Gaforren, ka në shtëpinë e 10-të Jupiterin, i cili është në Dash dhe i jep fatin e kurorëzimit, famë. Nëse Roma fiton, do fitojë në sajë të Diellit në Binjak që është shkathtësi, rini, këtu kemi energji nëse nuk bëjmë gabimet fatale që sjell Mërkuri i kundërt. Por kam një dilemë që edhe Gaforrja e Hollandës ka një kurorëzim me Jupiterin në shtëpinë e 10-të. Mbase ndeshja shkon e ekuilibruar dhe në bazë të meritave” – Meri Shehu.
Discussion about this post