Përdorimi i magjisë për të zgjidhur problemet është i lashtë sa vetë jeta. Por edhe pse jemi në vitin 2023, ritualet magjike për shërimin e një sëmundjeje apo realizimin e një dashurie, përdoret edhe sot. Kryesisht në zonat periferike të vendit, ka persona të cilët pretendojnë se kanë aftësinë që me anë të disa ritualeve, të realizojnë gjëra që duken të pamundura.
Teksa ishte e ftuar në emisionin “Shqipëria LIVE”, astrologia Elena Demollari deklaroi se ajo vetë ka qenë e prekur nga magjia. Ajo tregoi simptomat, ndërsa shtoi se i ka dalë dhe në ëndërr personi që i kishte bërë magji.
“Unë kam qenë e ndikuar nga magjia. Kam pasur maramendje, të vjella, shtrëngim zemre, vështirësi në frymëmarrje. Më doli në ëndërr dhe personi që ma kishte bërë. Unë kam një mjeshtër që më ndihmoi. I thashë ëndrrën dhe më tha që të kanë bërë magji. Në spital përfundova me serum. Ajo që ma kishte bërë kishte marrëveshje me djallin. Në spital më thanë e ke gjendje ankthi. Unë e shërova me ndihmën e mjeshtrit. Ne magjitë i gjetëm në bibël dhe kuran. Janë në librat e shenjtë.”- tha ajo./SHQIP
Discussion about this post