Spektakli i kërcimit “Dancing With The Stars” është nga më të përfolurit për momentin. Personazhet e njohur që janë bërë pjesë e garës së bashku me balerinët profesionistë, kanë dhënë shumë emocione. Por tanimë programi është drejt finales së madhe.
E ftuar këtë episod në “Ndryshe” ishte Pranvera Xhafa, astrologe dhe studiuese e shkencave okulte.
Padyshim që si një eksperte e astrologjisë, Pranvera u pyet se bazuar në shenjat e horoskopit cili prej konkurrentëve të “DWTS” do të triumfojë dhe nuk mungoi një përgjigje shumë interesante.
“Elhaida si Ujor mund të jetë ndër dy çiftet që mund ta fitojë dhe kjo jo vetëm për shkak të shenjës. Arditi si Bricjap nëse është aq ambicioz dhe ka punuar vërtet, ai mund ta fitojë. Me favorin e shenjave e fiton Ujori pra Elhaida. Për Sarën dhe Megin që janë Binjak, nuk do ta fitojë asnjëra prej tyre”.
Astrologia gjithashtu na zbuloi dhe shenjat që vitin e ardhshëm do të kenë shumë sukses.
“Shenjat e ajrit do dalin më në pah, do jenë pak më rebele seç mund të kenë qenë. Do shikoni që marrin vrull dhe kontrollojnë situatën”.
Discussion about this post