Atalanta nuk ka gabuar në ndeshjen e javës së 10-të të Serie A. Skuadra e Gasperinit ia doli të mposhte me përmbysje Sassuolon.
Në “Gewiss Stadium” në minutën e 41-të Kyriakopoulos do të kalonte miqtë në avantazh, teksa goli i barazimit nga vendasit erdhi Pasalic 5 minuta më vonë.
Pjesa e parë do të mbyllej 1-1 mes tyre, me franksionin e dytë që nisi përsëri me gol. Këtë herë do të gjente rrugën e rrjetës Lookman 46’, për të përmbysur kështu shifrat dhe për t’i dhënë avantazhin të tijve.
Minutat e mbetura nuk do të prodhonin më gola të tjerë, me bergamaskët që sigurojnë kështu një 3 pikësh shumë të rëndësishëm, teksa tashmë marrin vendin e parë me 24 pikë, 1 më pak se Napoli i cili do të përballet nesër me Bolognan.
Discussion about this post