Juventusi e Atalanta kanë festuar. Skuadra nga Torino gjeti rrugën e fitores pas tre ndeshjes. Bardhezinjtë mposhtën ekipin e Bologna me rezultatin 3-0 dhe Allegri mund të buzëqeshë edhe për faktin që shënuan sulmuesit.
Ndeshja u zhbllokua nga Filip Kostic, i blerë këtë verë nga Eintracht Frankfurt. Goli i tij mbeti në fuqi në 45 minutat e para dhe më pas Juventusi shtoi një marsh dhe realizoi sërish.
Dusan Vlahovic ishte ai që shënoi golin e dytë për skuadrëb nga Torino, kurse më pas stafetën e mori Arek Milik që i mbylli llogaritë e kësaj ndeshjeje të Serie A.
Më parë kishte fituar sot edhe Atalanta, që likuidoi me rezultatin minimal 1-0 skuadrën e Fiorentinës. Goli i Lookman mjaftoi për skuadrën nga Bergamo, që renditen në vendin e dytë me 20 sa Napoli kryesues.
Atalanta-Fiorentina 1-0
Lookman 59’
Juventus-Bologna 3-0
Kostic 24’, Vlahovic 59’, Milik 62’
Discussion about this post