Atalanta ka fituar me rezultatin e thellë 4-1 ndaj Empolit në fushën e këtyre të fundit. Bergamaskët siguruan tre pikë të lehta nga ky takim që në pamje të parë konsiderohej më i vështirë. Në këtë duel mungoi mbrojtësi Berat Gjimshiti për shkak dëmtimi teksa do te qëndrojë jashtë fushave të lojës për një periudhë të gjatë.
Miqtë shënuan dy herë në pjesën e parë teksa Empoli ngushtoi shifrat me Di Francesko. Në fraksionin e dytë trajneri Empolit Andreazzoli inkuadroi në fushën e lojës mesfushorin shqiptar Bajrami. Futbollisti i ekipit kombëtar nuk la asnjë gjurmë në këtë përballje ndërsa Empoli pësoi edhe dy gola të tjerë. Një fitore shumë e rëndësishme për skuadrën e Atalantës që vijon ngjitjen në tabelën e klasifikimit ndërsa Empoli qëndron në mesin e renditjes.
